General Santos City—laing duha ka mga lambigit sa iligal nga druga ang signit sa gihimong Anti-Drug Operation sa Philippine Drug Enforcement Agency-12 ilawom sa superbisyon ni Director Gil Cesario Castro, sa gihimong buy–bust operation nga gipahigayon sa Paredes St., Brgy., Zone 4, Koronadal City alas 5:15 sa hapon niadtong Martes, October 17, 2017.
Mga suspek giilang silang si Alejandro Traya Alias allan, 48, minyo, watch–repairman, residente sa Crossing Maraya, Purok Paghidait, Barrio 6, Banga, South Cotabato ug Melandro Laspiñas, 43, minyo ug residente sa Paredes St., Purok Aurora 2, Brgy. Zone 4, Koronadal, South Cotabato.
Nasikop ang mga nahisgutan human napalitan ug (1) ka sachet sa gikatahapang shabu sa usa ka PDEA Agent nga miakto isip poseur–buyer bugti sa P500.00 nga marked money.
Sa kinatibuk-an nakumpiska sa operatiba ang mukabat sa (5) ka gramo sa suspected shabu nga gibana-banaang muabot sa P25,000.00, marked money ug managlahing drug paraphernalia.
Kasong kalapasan sa Sections 5, 11 ug 12 sa Article II ilawom sa Republic Act 9165 (Comprehensive Dangerous Drugs Act of 2002) ang gipasang-at nga kaso batok sa mga suspetsado kansa balhog karon sa silda sa PDEA-12.
Photo Credit to: PDEA-SOCCKSARGEN
