General Santos City—sikop sa gihimong buybust operation sa City Drug Enforcement Unit (CDEU) ang duha ka mga personalidad nga lambigit sa iligal nga druga nga gipahigayon sa Prk. 7, Lanton, Barangay Apopong Gensan alas 6:00 ang takna sa gabie niadtong Hwebes.
Mga suspek giilang silang si Bernardo Billocillo, 40, residenti sa samang lugar ug Bainaton Mulanib Sultan, 37, residenti sa samang lugar.
Nasikop ang duruha human silang gipalitan ug (1) ka sachet sa gituohang shabu gamit ang P200.00 nga marked money.
Samtang gihimo ang inventory laing usa ka sako nga gituohang shabu ang narekober sa kapulisan human buluntaryong gihatag sa suspetsadong babaye ngadto sa kapulisan.
Ang maong druga iyang gitaguan sa pribadong parti sa lawas niini aron nga dili makit-an sa kapulisan apan tungod siya nahadlok, iya nalang kining gisurender ngadto sa otoridad.
Kasong paglapas sa RA 9165 ang atubangon sa duha ka mga suspetsado kansa giandam na karon sa CDEU.
