Bana gikiha human gisulayan pagpatay ang asawa

65

Davao City- Gikasohan na og ‘frustrated murder in connection with RA 9262’ kun Violence Against Women and Children si Jenny Kim Galigao, 23 anyos nga taga Claver, Surigao del Sur.

Sa interview sa RMN DXDC Davao ngadto kang Jenny sulod sa selda sa Sta. Ana PNP, wala na siya kaagwanta sa mga binuhatan nga pag panglu-ib sa iyang asawa nga ginganlan og Karen Corbera, 20 anyos.

Matud ni Jenny, adunay usaka hitabo niadtong Father’s Day diin nakit-an nia mismo ang iyang kapikas sulod sa usaka mall nga adunay kuyog nga laing lalaki.


Sa dihang naka-uli na ang iyang asawa nga hubog, iyang gi-ukoy ang cellular phone niini diin nakita niya ang mga malaw-ay nga binaylu-ay ug mga litrato ug text nga daw nagapanghilawas na kini diha sa Messenger ug sa history sa video call niini.

Sa dihang nasita na, ang asawa niangkon nga kini buntis ug dili siya ang amahan.

Dugang ni Jenny ningitngit ang iyang panan-aw uban ang pagkuha sa usaka kutsilyo ug gidunggab ang kapikas. Human niadto, gidunggab usab niya ang iyang kaugalingon.



Balhog na ang bana sa bilangguan ug gipasaka na ang tukmang kaso nagdto sa hukmanan.

Kasamang Paul Canono


Facebook Comments