Alabel ,Sarangani – Malampuson ang gipahigayong Search Warrant operation sa Alabel Municipal Police station og ubang unit sa kapulisan sa Sitio Ihan Datal Anggas, Alabel Sarangani Province nga miresulta sa pagkasikop sa duha ka target suspek.
Sa Pamahayag ni SP04 Israel Lantingan, ang chief investigator sa Alabel Municipal Police Station nga ang maong operasyon pinasubay sa upat ka serach warrant kalabot sa pagsupak sa kasong RA 10591 kon possession of firearms and ammunition sa mga suspek.
Ang mga dinakpan ang nailhan nga silang Rodrigo Pendatun, 33 anyos, minyo, residente sa lugar ang nakuhaan og unom ka buhing bala og .45 caliber pistol samtang ang silingan nga si Sixto Tino, 38 anyos, minyo, ang nakuhaan og garrand rifle og siyam ka buhing bala og tulo ka magazine.
Dugang pa ni Spo4 Lantingan, base sa mga nadawat nilang report sa mga katawhan sa maong lugar , gahimo og kahadlok ang mga dinakpan sa mga residente sa lugar gumikan sa pagdala -dala og armas.
Samtang, target usab sa search warrant silang Venancio Moda og Ruben Pendatun kon asa usa niini ang nagnegatibo human nga walay narekober nga armas og bala sa pinuy-anan.
