General Santos City—sikop sa operatiba sa City Drug Enforcement Unit (CDEU) ang duha ka mga suspetsadong lambigit sa iligal nga droga atol sa duha ka sunod sunod nilang operasyon sa Purok Malakas, Barangay San Isidro Gensan.
Unang nadakpan si Larry Lamberto Enopre, 34, residenti sa Manansala Subd., Purok Malakas, Barangay San Isidro alas 9:00 sa gabie, Myerkules, Sept. 13, 2017 sa may new satellite Market, Purok Malakas. Nakuha sa posisyon sa nahisgutan ang (2) ka sachet sa gituohang shabu ug marked money nga P500.00.
Sunod nga nasikop atol sa ilang gihimong Follow-up operation ang suspek nga si Bogie Manansala, 33, residenti sa Villegas Subd. Barangay San Isidro pinaagi sa buybust operation sa may Wood Peak Bay nga nahimutang sa samang Barangay.
Nakuha sa posisyon niini ang (2) ka sachet sa gituohang Shabu ug marked money kantidad ug P500.00. sa karon balhog na sa silda sa Police Station 4 ang nasangpit nga mga suspek.
