2- sikop sa sunod sunod nga operasyon sa CPDEU

35

General Santos City—sikop ang duha ka mga suspetsadong lambigit sa iligal nga droga atol sa duha ka sunod sunod nga operasyon nga gilusad sa CPDEU sa managlahing lugar sa Gensan.

Unang nasikop alas 6:45 ang takna sa hapon kagahapong adlawa sa G. Misa Street, Barangay Lagao Gensan ang suspek nga si Jonathan Laguialam, Alias Jojo, 30, residenti sa Barangay Lagao.

Napalitan ang nasangpit ug (1) ka sachet sa gituohang shabu gamit ang Marked money nga P500.00.

Sunod nga nasikop ang suspek nga si Alvin Ebrahim, 41, residenti sa Kalipapa, Datu Piang, Maguindanao alas 9:15 ang takna sa gabie sa may P. Acharon Blvd., Barangay Bula, Gensan.

Nakuha sa iyang posisyon ang (1) ka sachet sa gituohang shabu ug marked money kantidad ug P500.00.Sa karon ang mga supek balhog na sa silda sa kapulisan ug ginaandam na ang kasong ipasang-at batok kanila

Facebook Comments