Davao City – Duha ka mga admin staffs sa Southern Philippines Medical Center kun SPMC ang nipanaw tungod sa coronavirus.
Kini gikumpirma ni SPMC chief Dr. Leopoldo Vega sa interbyu sa RMN Davao.
Matud ni Vega ang duha kabahin kini sa na-report nga 12 ka mga SPMC workers nga nagpositibo sa COVID-19.
8 sa 12 ang frontliners kun mga doktor ug nurses samtang 4 ang non-frontliners kun wala kini direktang ga-handle o gaatiman sa mga pasyente sa COVID-19 sulod sa SPMC.
“Muingon ka’g frontline kato lang gyung directly ga-kuan sa mga pasyente, 8 kabuok lang tong directly na-involved sa mga pasyente,”
Matud ni Vega ang usa ka admin staff namatay niadtong niaging semana samtang ang usa nipanaw kini niadtong adlawng Miyerkules.
Ang usa kanila adunay travel history sa Manila samtang posible nga ang usa aduna kiniy exposure sa usa ka COVID-19 positive.
“Dalawa na sa aming admin staffs ang namatay. Kasi technically parang napasama sila sa sinabing frontline pero actually hindi sila frontline, admin sila with their history of exposure at travel sa Manila,”
Matud kang Vega na-discharge na sa ospital ug naka-quarantine karon ang 6 sa mga frontliners ug 2 nalang karon ang admitted sa SPMC nga adunay mild ug moderate ang kondisyon.
Ug sa mga SPMC non-frontliners nga nagpositibo, usa nalang ang admitted ug ang laing usa pa nakagawas na sa SPMC ug naka-quarantine.
Sa pikas bahin, sa rekord sa SPMC 41 na ang nakarecover sa COVID-19, 16 ang patay ug 13 ang COVID-19 confirmed patient.
Dugang niini, mokabat sa 111 na ka pasyente ang admitted karon sa SPMC.
RadyoMaN Aimee Guinita
