2 sundalo tikang ha Samar ngan S. Leyte, gin-ambush ha Cotabato, patay

1194

TACLOBAN CITY – Patay an duha nga sundalo tikang ha 19th Infantry Batallion mahuman nga ma-ambush han lima katawo nga gintutuuhan mga miyembro han New People’s Army ha Arakan, North Cotabato dida han miyerkules, July 17.

Ginkilala ni major Randy Llunar han 901st brigade an mga biktima nga hira PFC Lendo Borja, 26 anyos, taga Southern Leyte ngan hi PVT Jame Paul Devara, 25 anyos, taga Catbalogan City, Samar.


Igfo follow-up han mga biktima an ira community sport program ha Brgy. Kinawayan han Arakan, pabalik na unta an ira ginsasakyan nga behikulo ha ira kampo pero pag-abot ha sitio Bukatol, ginpa-uranan hira han bala han pusil.

Siring ni Major Llunar nga lakip ha ira direktiba nga proteksyunan an ira seguridad para diri mabiktima han mga kriminal o mga kalaban. Ilabi na nga taret han mga NPA an mga militar.

Facebook Comments

From Advertisers