Sa interbyu sa DXDC RMN Davao kang Police Major Al Anthony Gumban, Mati City Police Station Commander, patay sa pagpamusil ang biktimang si Nicholas Cosicol, 61 anyo samtang samdan si Crisostomo Saucejo Balog, 62 anyos parehong mga residente sa Brgy. Sainz, Mati City, Davao Oriental.
Gibutyag ni Gumban nga sa imbestigasyon gilantaw nila nga target gayod ang mga BPAT nga gapamuyag sa mga ga-riot busa ang duha ka mga biktima ang naaktuhan sa pagpamusil sa mga suspetsado.
Segun ni Gumban, dili pa nila maestablisar kung election related ang pagpamusil apan work related ang inisyal nga motibo sa krimen.
“Among gilantaw karon nga work related kay aktibo man gyod gud ni sila nga mga BPAT nga nagabadlong sa atong mga riot-ers. Kana pod nga post diha di sa BPAT sa Crossing Mapantad kanunay na ginabato sa mga riot-ers,” segun niini.
Gibutyag ni Gumban pinaagi sa mga witnesses naidentipika nila ang duha ka mga mamumuno ug ginagukod karon sa kapulisan sa koordinasyon sa militar aron madakpan kini.
RadyoMaN Aimee Guinita
