Cavite City – Arestado ang 2 lalaki na suspek sa pamamaril at pagpatay sa tricycle driver sa Cavite.
Kinilala ang gunman na si John Lawrence Manansala at lookout niya na si Juanchito Balera.
Ayon kay Cavite Police C/ Supt. Giovani Martinez – madaling natunton ang pinagtataguan ng mga suspek sa tulong ng CCTV sa barangay.
Sa kuha ng CCTV, makikitang nagmamaneho ang hindi na pinangalang biktima nang barilin siya ng riding-in-tandem sa Plaridel Street, Barangay 57.
Dead-on-arrival sa ospital ang biktima dahil tinamong tama ng bala sa ulo.
Pinaniniwalaang tauhan ng negosyanteng si Aaron Cruz ang mga suspek kung saan una nang sinalakay ng mga otoridad ang bahay niya dahil sa pag-iingat ng mga hindi lisensyadong baril.
Ang nasawing biktima ang pinaghihinalaang nagsumbong tungkol dito.
