General Santos City—Tingkagol na sa silda sa Police Station 1 ang duha ka mga suspetsadong responsabli sa pagpanulis sa usa ka biktima sa may Magsaysay Avenue ning syudad kagabie lang.
Suspek giilang silang si Renren Diego, 28 anyos, residenti sa Makar, Barangay Labangal ug Andrew Magalante, 21 anyos residenti sa maong lugar.
Nasayran nga samtang nagpatrolya ang mga personahe sa Police Station 1 didto sa maong lugar ilang nakit-an sa akto nga ginatulis sa duha ka mga suspetsado ang biktimang si Mariano Tandian nga taga Polomolok, South Cotabato.
Gilayong gisikop ang duha ka mga suspek dayon gibalhog sa presohan. Narekober sa posisyon sa duha ka mga suspek ang P2,500.00 nga kwarta sa biktima.
Sa karon ginaandam na ang kasong ipasang-at batok sa duha ka mga suspetsado.
