2 weeks nga Davao City-wide lockdown girekomenda

483

Davao City – Mihangyo ug mirekomenda ang Davao City-based medical association ngadto kang Davao City Mayor Sara Duterte-Carpio nga ipailawom sa duha ka semana nga lockdown ang entero syudad sa Davao.

Sa formal letter sa Davao Medical Society alang sa Alkalde, gi-rekomenda niini nga magbaton og 15-day lockdown aron malimitahan ang lihok sa tao ug malimitahan ang pagkatag sa Coronavirus Disease 2019 (COVID-19) tungod sa padayong pagtaas sa kaso niini sa syudad sa milabay nga mga semana.


Segun sa grupo, dali ra usab nga napuno ang nag-abri nga mga pribadong ospital alang sa COVID-19 patients gawas sa Southern Philippines Medical Center (SPMC).

Samtang, nadawat na usab ni Mayor Sara ang maong sulat ug na-endorso na kini ngadto sa Regional Inter-Agency Task Force (RIATF) ug ginapaabot na lamang kung unsa ang mamahimong desisyon sa maong rekomendasyon.

RadyoMaN Kirby Manzon

Facebook Comments