20 anyos gidunggab ug giilugan pa ug motor sa mga suspek-kritikal

38

General Santos City—Anaa sa talandugong kahimtang ang usa ka Prince Andrew Respecia, 20 anyos nga taga Veterans Vill, Barangay Calumpang, Gensan human kining gidunggab sa duha ka mga suspetsado diin giilugan pa kini ug motorsiklo sa mga susek.

Subay sa blotter report sa Police Station 2, alas 10:45 sa gabie , nagsabot ang biktima ug ang iyang Uyab nga mahidangat sa barangay Fatima aron mangaon ug balot, apan ayha sila nahidangat sa Barangay Fatima, ni-standby una ang mga nasampit sa Diversion Road, sakop sa Area of responsibility sa Police Station 2.


Pila ka gutlo ang nakalabay, mibutho ang duha ka mga suspek dayon giduol ang biktima ug gidunggab pila ka higayon gamit ang icepick.
Paspas nga misibat ang mga suspek dala ang motorsiklo sa biktima nga usa ka Raider 150.

Alas 3:50 na sa kaadlawon nakadawat ug impormasyon ang Police Station 2 bahin sa maong insidente. Sa karon nagpadayon ang gihimong imbistigasyon sa kapulisan kalabutan sa maong insidente ug ginaila pa ang responsable sa maong krimen.

Ang biktima sa kasamtangan anaa sa usa ka balay tambalanan sa dakbayan sa Gensan.

Facebook Comments