NAMONITOR NGA PRESENSYA SA DAWLAH ISLAMIYA SA BRGY. SAN JOSE UG BRGY. SINAWAL GENSAN, GIKUMPIRMA SA KAPULISAN

36

General Santos City– Walay angayang kabalak-an sa hisgutanang peace and order sa dakbayan sa Gensan.
Kini ang gibutyag ni Police Col. Gilberto Tuzon, City Director sa Gensan City Police Office. Sumala niini nga kaniadto adunay presensya sa rebeldeng new people’s army kon NPA partikular na sa Guerilla Front Musa nga gipangunahan ni Kumander Ray-Ray.
Apan gumikan matud pa sa presensya sa kapulisan ug militar sa area sa Sitio Pao-Pao sa brgy. Sinawal, kung asa nagahimo ug operasyon gumikan sa sunod-sunod nga insidete S apagpangsunog ug mga heavy equipment, sa karon wala na sila namonitor sa maong lugar.
Samtang, gi-angkon ni Col. Tuzon nga nakadawat sila ug impormasyon nga adunay mga na monitor nga presensya sa mga miyembro sa Dawlah Islamiyah Maguid o Nilong Group sa Upper Blagan, Brgy. San Jose ug Sitio Pao-Pao ning dakbayan.
Subay sa impormasyon, ang maong grupo ang gipangunahan na sa bag-ong lider nga si Macatigil Asis alyas Tadoy. Sa karon matud pa, naghimo na sila ug mga aksyon pinaagi sa Intel-Fusion uban ang managlahing intelligence unit samtang nagmugna sila ug Barangay Intelligence Network.(LVR)

Facebook Comments