General Santos City— Patay ng nakit-an ang usa ka 20 nayos nga lalaking nailang si Sunny Boy Dawa, nga residente sa Darimco Highway, Prk. 23, Brgy. Lagao ning dakbayan.
Sumala kang Police Chief Inspector Joel Martinez, hepe sa Police Station 4 nga ala una pasado ang takna sa kadlawon dihang makit-an ang patay’ng lawas sa biktima sa Prk. 2, naval, Conel Road. Brgy. San Isidro ning dakbayan.
Sa karon matud pa, ilaha pang ginahulat ang resulta sa imbestigasyon sa SOCO aron masayran kung gitigbas ang biktima gumikan sa samad sa liog nga naangkon niini.
Dugang pamahayag ni PCI Martinez nga basi sa ilahang inisyal nga imbestigayson, gikan sa usa ka okasyon ang biktima ayha kini nakit-ang patay. Migawas usab sa imbestigasyon nga adunay duha ka motorsiklo nga migukod sa biktima padulong sa conel road kung asa kini nakit-ang patay.
Sa karon, padayon pa ang ginahimong imbestigayson kung unsa ang motibo sa pagaptay sa biktima kung asa giangkon ni PCI Martinez nga wala pa silay gikonsidera nga person of interest. (Lore Romualdo)
