Davao City- Kasamtangan gitambalan sa Southern Philippines Medical Center ang usa ka ulitawo human giluba sa kaugalingong igsoon nga nahitabo sa ilang balay sa Purok-4 Tibungco ning siyudad 1:30 sa kahaponon.
Nakaangkon og usa ka samad dinunggaban sa too nga bahin sa kilid sa lawas ang biktima nga si Johnny Cuizon human giluba sa igsoon mga si alyas Ommel mao nga dali kini gidala sa SPMC.
Nasayran nga gikaaway sa biktima ang barkada sa suspek sa wala pa masayri nga hinungdan.
Gisakripisyo matud pa sa suspek ang iyang pagka-igsoon sa biktima aron lamang mapakita ni Ommel ang iyang pagkahigala nga bisan og kaugalingong dugo kaya niini pasipad-an sa ngalan sa pagkabarkada.
RadyoMan Joel Viray
Facebook Comments
