General Santos City—Balhog sa Silda sa Glan PNP ang usa ka 20 anyos nga nailang si Bernard Mag-abo, residenti sa Purok South, Barangay Sufa Tubo, Glan, Sarangani Province kansa nasikop sa operatiba sa Glan Municipal Police Station gumikan na usab sa iyang kasong giatubang.
Si Mag-abo dunay standing warrant of arrest sa kasong act Of Lasciviousness human kining gireklamo sa usa ka biktima.
Nasikop ang nasampit didto mismo sa ilang panimalay pinasikad sa warrant of arrest sa kasong iyang giatubang.
Sa karon ang nasampit pabiling balhog sa prisohan ug commitment order nalang ang gipaabot aron nga mabalhin na kini sa Sarangani Provincial Jail, samtang mamahimo niining maangkon ang temporaryong kagawasan higayon nga kini makapyansa ug kantidad P12,000.00.
