20 anyos nga suspek sa paglugos sa 13 anyos, gisikop

PC: Misamis Oriental PPO

Daling gisikop sa kapulisan sa El Salvador City Police Station mga alas 12 kagahapon sa udto ang usa ka 20 anyos nga lalaki human gireklamo nga nanglugos sa 13 anyos.

 

Ang suspek mao si Jessie Cris Jabagat nga taga Zone 3, Amoros, El Salvador City, Misamis Oriental.

 

Si Jabagat nakuhaan usab sa usa ka sachet sa shabu ug foil strip sa dihang gikapkapan sa kapulisan.


 

Matud ni Police Supt. Randy Tecson Anito, Chief of Police sa El Salvador City Police Station nga mireklamo sa ilang buhatan ang usa ka inahan nga ang iyang 13 anyos nga anak gilugos sa maong suspek.

 

Gibutyag sa inahan nga nahitabo ang pagpanglugos niadtong Dominggo, Oktubre 7 ning tuiga.

Facebook Comments