Aprubado na sa ikaduha nga pagbasa ang hagna nga nagatuyo hatagan ang mga estudyante sang 20% discount sa tanan nga sahi sang transportasyon.
Sa karon, limitado lamang sa Land Transportation ang paghatag sang diskwento sa pamasahe sa mga estudyante.
Sa idalom sang House Bill 8885 o Student Fare Discount Act, mahatagan sang 20% student fare discount ang mga estudyante sa land, water, kag air transport systems.
Buot silingon, , obligado nga maghatag sang 20% student fare discount ang mga bus, jeepneys, taxis, tricycle, Transport Network Vehicle Services (TNVS), MRT, LRT pati na ang mga airlines kag barko.
Lakip man ang mga adlaw nga Sabado kag Dominggo pati na ang mga holidays nga mahimo maka-avail sang student discount.
Para maka-avail sang 20% student fare discount sa tanan nga sahi sang transportasyon, kinahanglan lang nga magpakita sang valid school ID o enrollment form ang estudyante .
(photo from web)
