Pagadian City – Moabot sa 20 ka balay ang dili na mapuslan sa Brgy. Camanga sakop sa lungsod sa Tukuran niining probinsya sa Zamboanga del Sur human kining gibanlas sa bul-og sa dakong baha dihang niawas ang suba sa maong lugar alas 4:40 kagahapon sa hapon.
Ang elemento saTukuran MPS daling nakigkutay sa Municipal Disaster Risk Reduction Management Committee aron pagpahimangno sa mga residente nga manghiklin gumikan sa padayong pagsaka sa tubig-baha samtang nagkamulo usab ang kapulisan sa pag-kontrola sa dagan sa trapiko.
Ang pagbaha resulta sa walay puas nga pag-ulan sa bukid nga bahin sa Tukuran nga misangko sa pagbaha sa Brgy, Camanga ug Upper Bayao, Tukuran.
Mobalor sa P50 mil ka pesos ang gibana-banang damyos sa maong pagabaha ug apil nga na-angin ang mga tinanom nga humay.
Alas 5:00 sa hapon inanay usab nga nikunhod ang tubig rason, hinoon walay gikataho nga nakalas sa hitabo.
