20 ka medalya, gihatag sa TESDA atol sa Annual Regional Skills Competition

43
PC: RadyoMaN Jonathan Bullo

Mokabat sa 20 ka medalya ug trophy ang nahatag sa Technical Education and Skills Development Authority alang sa mga mananaog sa gihimong Annual Regional Skills Competition nga gihimo sa bisan asang lugar dinhi sa Northern Mindanao.

 

Ang mga kompetisyon nga gipasiugdahan sa TESDA gilangkoban sa Cooking, Restaurant Services, Automotive Technology, Electronics, Electrical Installation, Welding, Mechatronics, Refrigeration, Air conditioning ug IT Network Administration.


 

Nakuha sa Lanao del Norte ang upat ka gold medal, usa ka silver ug duha ka bronze medals ug mga trophy ug gisundan kini sa Misamis Oriental nga nakakuha sa upat ka gold medal ug mga trophy.

 

Samtang, nakakuha usab ang probinsya sa Bukidnon sa usa ka gold medal, usa ka silver ug duha ka 2 bronze medal lakip na mga trophy, ang Misamis Occidental nakakuha sa tulo ka silver ug usa ka bronze medal ug mga trophy ug ang Camiguin nakakuha sa usa ka silver medal ug trophy.

 

Matud ni Tarhata Mapandi, ang Regional Director sa TESDA nga pinaagi sa maong kompetisyon, napakita ang kapas sa kabatan-onan pinaagi sa mga kursong gitanyag sa ilang ahensya.

Facebook Comments