20 ka mga barangay sa South Cotabato ang target nga mangin Zero Open defecation communities.

Nagalab-ot sa 20 ka mga barangay sa South Cotabato ang target nga mangin Zero Open defecation communities nga isa sa istratehiya suno pa sang Integrated Provincial Health Office (IPHO) agud pakigbatuan ang balatian nga polio.
Suno kay Dr. Rogelio Aturdido, Provincial Health Officer nga gin-umpisahan na ang pagpatigayon sang evaluation sang provincial health team sa mga nasambit nga barangay sa diin ginasikyar ang mga puluy-an angot sa pagpatuman sang proper hygiene and sanitation.
May-angot sini, pipila na ka mga barangays ang gin-evaluate kapareho na lamang sang Cebuano, Bololmala kag Kalkam sang Tupi; barangays Teresita, Ambalgan kag Katipunan sang Sto. Nino; barangays BS Aquino, Esperanza kag Lopez Jaena sang Norala; barangays Liberty, San Isidro, Palo kag Maltana sang Tampakan kag apat man ka mga barangay sa banwa sang Polomolok.
Ang nasambit nga mga barangay ang yara sa grade 1 level, buot silingon no open spaces kapareho sang fields, bushes, forests, ditches, streets, canals nga ginahabuyan sang higku sang tawo.
Sa idalom man sa grade 1 level, tanan nga mga puluy-an ang may-yara sang functional toilets kag may bastante nga supply sang tubig kag sabon nga gamiton sa paghugas.
Aminado man si Dr. Aturdido nga mabudlay nga malab-ot ang Zero Open Defecation Province, apang tinguhaan suno pa nila paagi sa pagpabakod sang kampanya tubtob sa grassroots level.
Sa 200 suno pa ka mga barangays sa South Cotabato, 90 porsyento sa mga ini ang may-yara sang access sa potable water supply kag may kaugalingon nga kasilyas.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>