Niabot na sa 20-mil pesos ang jackpot prize alang sa dulang Ashigo o kwarta atol sa dxCC-RMN Live sa Barangay 15 ugmang adlawa.
Dunay napulo ka mga residente ang matagaan og kahigayonan nga makuha ang jackpot prize sa maong dula nga himoon mga alas 6 sa buntag sa covered court sa Barangay 15 ning syudad.
Human sa padula, mosunod ang live program sa dxCC-RMN nga mao ang Straight to the Point- Kuskos Batikos uban ni Konsehal / RadyoMaN Zaldy Ocon kung asa matagaan og higayon ang katawhan nga mapaabot ang ilang concerns ngadto sa mga barangay officials.
Gawas sa padulang Ashigo o kwarta, makapahimulos usab ang katawhan sa Barangay 15 og libreng snacks, makasalmot sa pa raffle diin lima ang makadawat og tag 200 pesos ug 100 ka mga tigpaminaw ang makadawat og gift packs isip pasalamat sa dxCC-RMN.
