Nakigbuylog ang Palasyo sang MalacaƱang sa pagdumdom sa anibersaryo sang pagpanalasa sang bagyong Yolanda sa pungsod.
Suno kay Chief Presidential Legal Counsel kag Presidential Spokesman Secretary Salvador Panelo, ginakilala sang MalacaƱang ang sakripisyo kag suporta sang mga nagbulig sa mga biktima lakip na ang mga pungsod kag non-governmental organizations (NGO) nga nagbulig sa mga naapektuhan sang bagyo.
Ginakilala man sang gobyerno ang mga Pilipino nga nangin mabakod sa tunga sang pagtilaw sadto nga panahon.
Ginpahayag ni Panelo nga as of 2017 , naglab-ot na sa 146 billion pesos ang ginpagwa sang gobyerno agud mabuligan ang mga nabiktima sang bagyo kag ang tunga sini ang gintigana para sa housing programs.
Suno kay Panelo nga masobra 100,000 permanent housing units ang natukod sang gobyerno as of October subong nga tuig kag kinahanglan pa sang dugang nga pondo agud makumpleto ang proyekto.
(photo from web)
