Davao City – Gikalipay sa usa sa mga commuters nga nahinabi sa DXDC RMN Davao ang pagpatuman sa 20-second yellow box rule sa syudad sa Davao.
Sumala ni alyas Gelyn nga dako og tabang ang pagpatuman sa maong balaod-trapiko ilabi na nga nagatrabaho kini ug mahadlok nga ma-late tungod lang sa paghulat sa mga drivers og mga pasahero sa mga loading areas.
Dugang sa communter nga makaayo kini ngadto sa mga nagdali tungod dili na makatorno og dugay ang mga pampublikong sakyanan sa mga loading-unloading areas gumikan sa 20 segundo lang ang gihatag sa City Transport and Traffic Management Office kun CTTMO nga mag load ug unload og mga pasahero apan anaa gihapon kini konsiderasyon ngadto sa PWDs, mga buntis ug senior citizens.
Subay niini, hinaut niya nga mapahugtan pa ang pagpaatuman sa nasangpit nga balaod-trapiko.
Kahinumduman nga gipatuman niadtong adlawng Lunes, Hunyo 25 ang 20-sec yellow box rule ug laumang himuon ang assessment sa CTTMO kabahin sa pagpatuman niini karong adlawng Sabado.
RadyoMaN Renz Barbarona
