Ang lokal nga buhatan sa City Veterinarian ning dakbayan ang gikatakdang mopahigayon na usab ug libreng “deworming” ug pagpanghatag usab ug mga libreng bitamina sa mga kabaw, kanding ug baka dinha sa mga nagkalain-laing barangay ning siyudad.
Mao kini ang nasayran sa buhatan sa inpormasyon basi sa sulat gikan sa nasangpit nga buhatan nga gipirmahan ni OIC- City Veterinarian Imelda R. Villacrucis.
Sigun sa dugang nasayran nga ang libreng pagpangbakuna sa maong mga hayop ang ipahigayon sa Barangay Cogon karong umaabot Hulyo 10 (Martes); Sa Barangay Sinaman nga ipahigayon usab karong Hulyo 11 (Miyerkules) samtang sa Barangay Sicayab karong sa umaabot Hulyo 17 (Martes).
Dugang niini, ang libreng pagpangbakuna sa mga kabaw, kanding ug baka ang magapadayon sa gihapon pagka Hulyo 18 (Miyerkules) didto sa Barangay Dicayas ug sa Barangay San Jose pagka Hulyo 24 (Martes) samtang sa Barangay Punta sa umaabot nga Hulyo 31 (Martes).
.Alayon ning maong kalihokan, gi-awhagan kadtong mga buot mopahimulos ning maong libreng “deworming” sa nahisgutang mga hayop sa pag-koordinar lang ngadto sa ilang barangay opisyales alang sa tukmang dapit, oras ug takna sa pagpahigayon.CIO
