Davao City – Maayo sumala pa ang nahimong resulta sa ginapatuman karon sa City Transport and Traffic Management Office (CTTMO) nga 20-second loading, unloading rule dinhi sa dakbayan sa Davao.
Sa pakighinabi sa DXDC RMN Davao kang Dionesio Abude, ang head sa CTTMO, gibutyag niini nga ubay-ubay na ang ilang nadakpan nga violators labot sa maong patakaran nga naghatag og 20 segundos sa mga Public Utility Vehicles (PUJs) nga mupanaog ug mupasakay sa ilang mga pasahero sa loading ug unloading zones o ginatawag nga “Yellow Box.”
Hinuon, gipasabot sa opisyal ng aduna silay ginahatag nga konsiderasyon niadtong nagasakay o naganaog nga mga senior citizens, mga nagsabak ingon man mga differently able persons.
Nasayran nga adunay multa nga P500 ang mga violators sa maong patakaran diin gihatagan lamang ang nahisgutan og pito ka adlaw sa pagbayad sa maong penalty.
Kahinumduman nga gisugdan sa pagpatuman ang 20-second loading unloading rule sa syudad niadtong bulan sa Hunyo sa nakalabay nga tuig, 2018.
RadyoMaN Kirby Manzon
