Davao City – Nasikop ang 20 ka mga pinangita sa balaod human gipatuman ang Oplan: Kalinaw sa Davao City Police Office (DCPO) uban ang lain pang security forces alas 6 kagahapon sa buntag sa nagkalain-laing lugar sa syudad sa Davao.
Sa report gikan sa (DCPO), pinaagi sa Warrant of Arrests, nadakpan sila Warlito Mahinay Carbonero ug Mark Dominique Blanco Panaguiton sa kasong rape, Maribeth Jumawan Estomo sa Illegal Recruitment in Large Scale, Robert Bustamante Quimado sa bayolasyon sa CO 004-13, Jeraldine Morales Malapaya ug Amelita Baguio Chavez sa pagsupak sa RA 9287, Renato Roque Eleses tungod sa resistance and disobedience, Josephine Napoco Modina ug Aileen Montos Dignos sa pagsupak sa balaod sa SSS, Jimboy Awa Hadugan sa kasong murder, Romel Salon Abecia, Richard Mamusog Velasco ug Manny Ilagan Borja sa kasong kawat, Daisy Indencia Muyco sa grave slander.
Dugang nasikop giilang sila Joel Candones Adriasola sa bayolasyon sa bp 22, Anthony Collante Jr. alyas Jonathan Fullante sa kasong attempted murder, Carmelito Gamad Lapoot, Larry Amad Serrano ug Ricky Mhel Bravo Nineza sa pagsupak sa pd 1602.
Samtang si Arnulfo Padillo naaresto sa otoridad pinaagi sa pagresponde sa kapulisan tungod sa nakitang hait nga hinagiban sa iyaha apan nasuta nga usa kini ka robbery suspect.
Gawas sa ihap sa mga nadakpan, natala usab ang 565 ka mga residente nga naka-avail og libreng medical check-up ug supplemental food feeding samtang 659 katao ang nakadawat og libreng tambal ug vitamins.
RadyoMaN Renz Barbarona
