Mukabat sa Kapin 200 ka mga kabataan ang nakabinipisyo sa proyekto sa Rmn Gensan nga gitawag ug “Hinabang sa mga Kabataan” sa Poblacion sa Alabel, Sarangani Province sa pagpanguna ni Miss Joy Barcelete, Project Head of Rmn Gensan, Program Director Bryan Oñate ug RMN Staff, ilawom sa Superbisyon ni Rmn Gensan Station Manager Inah Daven sa pakig-alayon sa Lord Jesus Our Reedemer Church.
Naglangkob sa proyekto ang feeding program, pagpang-apod apod ug libreng Tsinelas ug School Supplies.
Dako usab ang pagpasalamat sa mga ginikanan sa mga kabataang nakabinipisyo sa proyekto gumikan nako kining tabang ngadto sa ilang mga kabataan.
Ilang panghinaot nga unta magpadayon ang samang gimbuhaton sa Rmn Gensan aron nga daghan pang matabangan nga mga kabataan dili lang sa Alabel kon dili apil na sa uban pang lugar.
