200 ka kilong karneng baboy, giluto sa Provincial Capitol isip pamatuod nga luwas sa African Swine Fever ang mga binuhing baboy sa probinsya

29
PC: RadyoMaN Joanna Ricote

Mikabat sa 200 ka kilong karneng baboy ang giluto kaganinang buntag sa provincial capitol sa Misamis Oriental isip pamatuod nga dili apektado sa African Swine Fever kon ASF ang mga binuhing baboy sa probinsya.

 

Nasayran nga human sa pagluto, libre kining gipakaon ngadto sa mga katawhan kinsa gipaluyuhan sa mga hog raisers sa Northern Mindanao.


 

Matud ni Dr. Joy Araos nga number 3 ang region 10 sa swine producing region sa Pilipinas busa importante nga ma secure ang tanang entry points sama sa Mindanao International Container Terminal, Laguindingan Airport ug mga pantalan.

 

Samtang, matud sa mga hog raisers nga mikunhod ang demand sa karneng baboy sa mga supermarket, tungod sa kabalaka sa mga konsumante nga nataptan kini sa ASF.

 

Nagpahinumdom usab kini ngadto sa mga hog raisers nga likayan ang pagbahog sa mga baboy sa lamaw nga wala giluto aron dili mataptan sa ASF.

Facebook Comments

From Advertisers