Gipangunahan ni PBGen Rolando B Anduyan, Regional Director sa Police Regional Office 10 ang Oath Taking Ceremony sa mga bag-ong Appointed Patrolman/Patrolwoman sa PNP 10.
Sa interview sa RMN Malaybalay ngadto kang PNP 10 Regional Spokesperson Police Lt. Col. Mardy Hortillosa gibutyag niini nga kinatibuk-ang 200 ka PNP recruits ang nanumpa dili pa lamang dugay.
Gi-turn-over na usab kini ngadto sa Regional Training Center 10 alang sa Public Safety Basic Recruit Course nga gilangkuban sa 170 ka patrolmen ug 30 ka patrolwomen nga kabahin sa PRO 10 Regular Recruitment Program quota para sa CY 2020 gikan sa 600 nga ni-apply sukad sa sinugdanan.
Ang maong mga pulis dugang puwersa sa PRO 10 sa pakigbatok sa kriminalidad, kurapsyon, terorismo ug illegal nga droga aron pagsiguro sa kaluwasan ug seguridad sa publiko.
Ang maong mga bag-ong pulis makadawat ug basic salary nga Php 29,688.00 kada usa gawas pa sa allowances ug uban pang non-cash benefits, nga susama sa mga regular police officer nga naghupot sa maong ranggo.
