South Cotabato—nagpahigayon ug lihok protesta atubangan sa South Cotabato Provincial Capitol ang mukabat sa 200 ka mga miyembro sa militanteng grupo sukad pa kagahapong adlawa, adlawng Domingo.
Tumong matud pa sa grupo ang ipaabot ngadto kang South Cotabato Governor Daisy Avance Fuentes ang pipila ka isyu hilabi na ang nahitabong engkwentro sa militar ug sa gikaingong miyembro sa New People’s Army ( NPA) Sitio Seltex, Barangay Ned, Lake Sebu niadtong nakalabyang simana nga gikamatay sa pito ka mga tawo.
Sumala ni Timothy Romero spokesperson sa Centre for Lumad Advocacy, Networking and Services, Incorporated (CLAN) buot nila nga magpahigayon ug imbistigasyon si Governor Fuentes, kalabutan sa insidenti. Kahinumduman nga una na nilang gitawag nga usa ka Masaker ang nahitabo ngadto sa lugar ug dili engkwentro.
Ila usab nga gialigaran ug pagpangkarass tropa sa militar ngadto sa mga residenti Tampakan gumikan matud pa sa pagsupak sa mga lumulupyo sa lugar sa operasyon sa mina.
