Mag-deploy ug kapin 200 ka mga personahi sa kapulisan ang Butuan City Police Office (BCPO) isip pagpatuman sa seguridad alang sa PANAAD 2019 subay sa obserbasyon sa Semana Santa.
Gibutyag ni P/Capt. Emmerson Alipit, spokesman sa BCPO nga ipakatap ang pwersa sa kapulisan ngadto sa mga pampublikong lugar sama sa terminal, airport, malls, baybayon sa brgy. Masao, mga simbahan ug ilabina panahon sa PANAAD didto sa Brgy. Anticala ning syudad sa Butuan.
Giklaru sa opisyal nga walay report sa hulga sa pangkalinaw ang nadawat sa kapulisan apan padayon silang magpatuman sa hugut nga seguridad.
(VC. Alipit 1)
Nakig-alayon na usab ang BCPO ngadto sa LGU Butuan ug sa Land Transportation Traffic Management Office (LTTMO) alang sa hiniusang pagplastar sa dagan sa mga sakyanan.
Nanawagan ang opisyal alang sa mga deboto nga moapil sa PANAAD 2019 nga magdala ug kaugalingong tubig ug likayan ang pagdala ug bug-at nga mga butang.
Alang sa mga adunay gihambin nga sakit, mas maayu nga dili nalang mouban sa maong kalihukan.
[image: troops pnp.jpg]
