Davao City – Kapin dos mil ka mga bakanteng trabaho sa lokal ang natala karon sa Public Employment Service Office – PESO Davao.
Kini ang gibutyag ni Lilibeth Pantinople, PESO-Davao manager atol sa interview sa Serbisyong Straight to the Point sa DXDC RMN Davao.
Sumala niya mamahimong muadto sa ilang opisina sa may Davao Recreation Center kanhi Almendras Gym ug magdala sa di muubos nga lima ka mga resume aron makapili sa mga irekomenda nila nga lokal nga trabaho.
Dugang niya, aduna usab trabaho alang sa mga K-12 graduates diin karong bulan sa Agosto, posibleng mag abri na ang duha ka mall nga nahimutang sa Buhangin ning syudad nga nanginahanglan usab og daghang mga trabahante.
Mamahimong mubisita usab sa District offices sa PESO-Davao sa Buhangin, Agdao, Talomo, Toril, ug Calinan.
Gitataw ni Pantinople nga abri kini alang sa tanan ug dili lang sa mga Dabawenyos.
Samtang karong bulan sa Hunyo subay sa Independence Day, June 12, laing hugna sa job fair kauban and Department of Labor and Employment (DOLE) nga pagahimuon sa Davao Recreation Center.
RadyoMaN Renz Barbarona
