2018 Occupational Wages Survey Nationwide, gisugdan na sa PSA Region 10

PC: RadyoMaN Nitz Arancon

Gisugdan na kagahapong adlawa sa Philippine Statistic Authority kon PSA ang tulo ka bulan nga 2018 Occupational Wages Survey Nationwide.

 

Kini ang gibutyag ni PSA Regional Director Janith Aves sa interview sa dxCC-RMN Cagayan de Oro.

 

Ang survey gipahigayon sa PSA pinaagi sa ilang Establishment Forum nga gihimo sa usa ka restaurant ning syudad nga gitambongan  sa  mga opisyal sa Department of Labor and Employment kon DOLE.


 

Lakip sa mitambong sa maong forum ang lain laing  opisyal sa mga industries ug business establishments sa Region 10.

 

Gibutyag ni Aves nga tumong sa ilang 2018 Occupational Wages Survey nga dunay basihan ang  gobyerno labina sa DOLE sa paghimog government policy alang sa mga  empleyado sa lain laing industriya ug mga business establishments.

 

Matud ni Aves nga lakip sa surbihon sa PSA ang pagsusi kon kinsa sa mga industry ug business establishment sa Region 10 ang naghatag sa insaktong suweldo ug safety measure sa ilang mga empleyado.

 

Gibutyag ni Aves nga ang ilang 2018 Occupational Survey molungtad sa bulan sa Nobyembre.

 

Gidugang niini nga ang resulta sa ilang wages survey ilang ipadala sa PSA Manila aron ang ilang Central office sa kaulohan mao na ang mohatag sa maong resulta ngadto sa mga  government agencies nga nagkinahanglan sa DATA sa ilang Survey on Occupational Wages.

Facebook Comments