DepEd: ‘Oplan Bandila’ pakusgan pa nato

58

Davao City – Ensakto ang gihimo sa pag-aresto sa mga tawo nga wala na mirespeto pinaagi sa pagtindog sulod sa sinehan samtang gi-awit ang nasudnong awit nga mao ang ‘Lupang Hinirang.’

Sumala ni Jenielito Atillo, Department of Education (DEPED-XI) Spokesperson, usa kini ka pahinumdom sa tanang mga Pilipino nga gikinahanglang tahuron ang atong nasudnong awit.

Gipasabot ni Atillo nga ang maong lakang wala nagpasabot nga aduna kitay suliran sa nasyonalismo ug gugma sa atong yutang natawhan, tungod kay usa lamang kini ka pahinumdom.

Gitataw usab sa tigpamaba sa DEPED-XI nga nakaapekto karon ang modernisasyon tungod kay wala nay misunod sa probisyon sa Philippine Heraldic Code.

Giingon pa ni Atillo nga gikinahanglang subli-on ang pagpasabot o pag-edukar ilabi na sa bag-ong henerasyon aron ilang himoon ang pagtahud o pag-respetar sa atong National Anthem.

RadyoMaN Bernard Pantallon

Facebook Comments