Davao City – Hugot nga gi-monitor karon sa Davao City Health Office (CHO) ang tulo ka mga indibidwal kinsa nibyahe kun adunay travel record sa China ug Thailand, mga lugar nga kumpirmadong adunay 2019 Novel Coronavirus incidents.
Matud ni Acting City Health Office (CHO) head Dr. Gene Gulanes, ang tulo gilangkuban sa usaka Chinese national ug usaka Pinoy samtang ang usa wala pay identipikasyong gitunol sa CHO nag-inisyatibong magpa-examine sa ilang kaugalingon gumikan sa nCoV threat.
Hinoon segun ni Gulanes, negatibo sa mga simptomas sa coronavirus ang tulo ka mga Persons Under Investigation kun PUIs.
“Naay gamay sakit sa ulo, tapos nag-pa check up dayon sila, then it turned out (nga) pag-examine, wala gyod ‘tong simptomas gyod sa nCoV, pero under monitoring sila,” matud ni Gulanes.
Subay sa mga intensified nCoV measures, magpaskil og health advisories kalabot sa mga senyales ug kon unsaon sa paglikay sa nCoV sa mga pantalan, airports ug terminals.
Kahinumdumang gilaraw ni Sangguniang Panglungsod (SP) Committee on Health chairperson City Councilor Joselle Villafuerte nga magbutang ang dakbayan og ‘infra-red thermometers’ diha sa Davao Overland Transport Terminal (DCOTT).
Hangtud ning mga gutloa, nagpabiling ‘nCoV-free’ ang Davao City, sumala sa Department of Health (DOH-XI).
RadyoMaN Aimee Guinita
