SYUDAD sang Iloilo – Aprubado na ang 2020 budget sang syudad sang Iloilo.
Nagabalor ini sang P2.7 billion nga mas mataas sang P400 million sa P2.3 billion nga budget subong nga tuig.
Suno kay committee on appropriations chairman Jay Treñas kalakip sa budget ang 10% nga saka sa sweldo sang mga regular employees sang syudad.
May pinakadako nga budget amo ang office of the mayor nga may kabilugan nga P712,195,443 kun sa diin P73,791,486 para sa personnel services (PS); P590,400,957 para sa Maintenance and Other Operating Expenses (MOOE); kag P48,003,000 para sa Capital Outlay.
Paathag ni Treñas dako ang budget sang opisina sang alkalde bangud sang dako nga budget nga ginpain sa mga jobhires nga ara sa beautification program sang syudad.
Ginkumpirmar man ni Treñas nga tanan nga department halos nagtas ang ila budget.
Ini tuhay sa una nga pahayag sang iya tiyo nga si mayor Jerry Treñas nga may mga departamento nga indi niya paghatagan sang budget bangud wala nagatambong sa meeting ang ila department heads.
Samtang ang Local Economic Enterprise Office ukon LEEO may 60.9 million naman nga budget.
57% sang budget gikan sa local taxes samtang ang nabilin gikan sa share sang syudad sa internal revenue allotment.//JPF
Photo from web
