Nasapwan nga wala na sang kabuhi ang isa ka lalaki sa iya balay, matapos nga naghikog sa Prk. Rizal, Barangay Kipalbig, Tampakan, South Cotabato.
Ginkilala ang biktima kay Rommel Habaña Jover, 21-anyos, single, jobless kag residente sang nasambit nga lugar.
Sa imbestigasyon sang Tampakan MPS, alas 5:00 sang hapon sang Agosto 1, 2021 naglisensya ang biktima sa iya mga pakaisa nga upod sa pag-inom-inom nga magpauli na sa iya balay.
Sa pahayag naman sang iya nga tiya nga gindal-an pa nila sang panyapunon ang biktima nga wala naman nagsabat sang nanawag amo nga nagbiya na lamang sila.
Apang alas11:00 sang aga sang Agosto 2 sang nakit-an sang iya nga mga himata nga nagabitay ang biktima nga nagaisahanon sa iya balay.
Naggwa sa imbestigasyon sang Tampakan MPS nga wala sang foul play sa insidente.
