Patay ang isa persona, matapos nga bungguan sang wala naidentify nga salakyan sa bahin sang Sitio Pederegosa, Barangay Rizal Poblacion, Banga, South Cotabato alas 7:00 sang gab-i sang Agosto 1, 2021.
Ginkilala ang biktima kay Erneil Vicente Jalandoni, 51-anyos, single, jobless kag residente sang nasambit nga lugar.
Sa imbestigasyon sang Banga MPS, nagalakat ang biktima sang bungguan sang wala nahibaluan nga salakyan nga gilayon man nga nagsibat.
Gindala pa sa ospital ang biktima, apang ginbawian sang kabuhi samtang ginapaidalom sa medikasyon tungod sa naangkon nga seryoso nga pilas sa mga nagkalain-lain nga parte sang iya lawas.
Sa subong padayon ang imbestigasyon sang Banga MPS sa nasambit nga insidente.
Facebook Comments
