General Santos City—angol ang usa ka lalaki human gipusil sa wala pa mailhing suspetsado sa area sa Crossing Ligaya, National Highway, Barangay ligaya, Gensan.
Nailhan ang biktima nga si Mc Gilbeys Gonzales Panes, 21, ulitawo, ulitawo, residenti sa Prk. 5, Barangay Ligaya ning dakbayan.
Alas 12:30 ang takna sa tungang gabie, July 23, 2017, dihang nahidangat ang nahisgutang biktima sa national Highway sa samang Barangay aron makigkita sa iyang kasabot nga babaye aron unta maglingaw lingaw.
Apan kalit miabot ang usa ka Montero kolor itom ug mihunong sa pikas lane, miabli ang bintana niini sa back seat dayon usa ka lalaki nga sakay sa maong sakyanan ang mipusil sa biktima.
Nakaangkon kini samad sa iyang wala nga bahin sa bukton. Bisan samdan nahimo pa sa biktima ang pagdagan sa sagbutan nga bahin sa maong lugar aron makaikyas sa kamot sa mga suspek.
Paspas usab nga misibat ang mga suspek sa wala sayring lugar samtang ang biktima gidala gilayon sa ospital.
sa kasamtangan ginaimbistigahan pa sa Police Station 3 unsay motibo sa pagpamusil, samtang ginasuta pa kung duna bay kalambigitan ang babateng nakasabot sa biktima ayha nahitabo ang pagpamusil.
