Nasikop pasado alas 6 ang takna kagabie ang 21 anyos nga babae sa usa ka anti drug buy bust operation sa National Bureau of Investigation-Iligan District Office sulod sa usa ka Pension house sa Purok 7, Barangay Tambacan ning syudad sa Iligan.
Naila ang maong suspetsado nga usa ka Mary Grace Manginsay nga taga San Juan Siquijor.
Kauban ni Manginsay nga nasikop sulod sa usa ka lawak sa maong pension house ang uyab niini nga si nailang si Omar Mangondacan, 36 anyos ug taga Barangay Panggao Saduc Marawi City.
Matud pa ni Manginsay, nga mianhi sa dakbayan sa Iligan aron unta pangitaon ang iyang ginikanan apan naila niya kining si Mangondacan, ug nahimong katabang sa pagbaligya sa shabu.
Giangkon sa duruha nga ilaha ang nakuha nga pito ka mga dagkong sachet sa gituohang shabu nga gibana-banang adunay market value nga kapin 100 thousand pesos.
Sa pagkasikop sa maong suspek, makita ang samad sa bukton niini, diin giangkon usab niya nga misulay siya paghikog pinaagi sa paglaslas sa iyang pulso gamit ang usa ka gunting gumikan kay nag away sila sa iyang uyab.
Gikumpirma usab ni Jamal Dimaporo ang hepe sa NBI nga nag away ang duha sulod sa maong pension house gumikan kay gipangita sa lalaki ang iyang pistola sa maong lawak nga taud-taud na usab nga nawala.
Kasamtangang anaa sa NBI Office ang nasangpit nga mga suspetsado.
Kasong paglapas sa RA 9165 o ang Comprehensive Dangerous Drug Act of 2002 ang atubangon sa duha ka mga suspetsado,
