General Santos City–Nagtingkagol karon sa selda sa Police Station 6 ang usa ka Surban Silawan Pendatun alyas Abuyahiya Silawan Pindatun, 21 anyos, nga nanimuyo sa Prk. Islam, Barangay Dadiangas South ning syudad human nga masikop kini sa gipahigayon nga buybust operation sa mga personahe sa Police Station 6 alas 5:00 ang takna sa hapon sa Prk. Pearly Shell, Barangay Bula.
Sumala pa ni Police Capt. Brent Ian Salazar ang hepe sa Police Station 6 nga napalitan matud pa ug usa ka sachet sa gituohang shabu ang suspect ingon man nakuha usab sa iyahang posisyon ang buybust money nga 500 pesos ug ang laing pang 4 ka mga sachet sa gituohang shabu.
Dugang pa ni Capt. Salazar nga ang suspek aduna usay standing warrant of arrest sa kaso nga thief ug illegal possession of deadly weapon ug nalakip kini sa station watch list sa Police Station 6.
Basi matud pa sa monitoring sa kapulisan nga anaa lang sa Pearly Shell ug Prk. Islam naga-operate ang nasangpit uban ang iyahang grupo hinungdan nga gikasa ang operasyon.
Sa karon giandam na sa Police Station 6 ang kasong pagsupak sa RA 9165 sec 5 ug 11 sa art II batok sa suspetsadong balhog sa silda sa Police Station 6. (Dave Silagan)
