Ginapatihan sang mga pulis sa banwa sang Alimodian nga naghikog pinaagi sa paglumpat sa bubon ang 21-anyos nga lalaki nga ginapahayag nagasuprer sang depression.
Ini matapos nasapwan alas 12:05 kahapon sang udto (Agosto 27) nga yara sa idalum sang bubon ang lawas sang biktima nga si Ronelo Alegrado sang Situio Bungol, Barangay Poblacion, Alimodian, Iloilo.
Ginpahayag ni Police Master Sgt. Sandy Harder nga nasapwan ang bangkay sang biktima sang iya mismo manghod sang magsag-ub ini sang tubig sa bubon.
Una diri, nadula ang biktima sang Agosto 24 sang hapon kag wala na makapauli kag kahapon sang udto lamang ini nakit-an.
Nahibaluan nga may ginahigot pa nga daku nga bato sa kamot ni Alegrado nga gingamit sini nga pangpalugdang.
Facebook Comments
