Padayon pa ang imbestigayon sang Cauayan PNP kon ano ang motibo sang pagpatay sang isa ka iloy nga nasapwan nga isa na ka bangkay kahapon sang aga.
Ang biktima amo si Elizabeth Langa, 44 anyus, residente sang Purok 1,Brgy Man-uling, banwa sang Cauayan. Si Elizabeth ang nasapwan pasado alas-8 kahapon sang aga nga wala na kabuhi nga nagahapa-on sa humayan sa amo man nga lugar.
Nahibalu-an nga domingo sang kaagahon (August 26) sang nag-halin sa ila barangay ang biktima kag nag-lesinsya nga mapadulong sa Bacolod agud magpangita sang ubra.
Antis mag-biya, nag-hatag pa ini sang advice sa iya bata nga mag-tutom sa pag-tuon bangud padal-an niya ini sang ila mga kinahanglanon.
Apang, lunes sang aga (August 27) sang nasapwan nalang ang lawas sang iloy nga may igo na sang buno sa iya dugang.
Suno sa Kapitan Madeline Samillano nga padayon pa nga gina-establish sang kapulisan ang motibo sang krimen sa diin wala naman sang record sa barangay amo nga biktima.
Nagapati man si Samillano nga gin-dagdag lang sa amo nga area ang lugar ni Elizabeth bangud nga wala sang sign of struggle ukon wala naman nagkalahapay ang mga humay.
