Roxas City, Capiz – Ginpasakaan na sang kaso nga paglapas RA 10591 ukon illegal possesion of firearms ang 21-anyos nga lalaki matapos nagtuga sang kakugmat kag nakuhaan sang indi lisensiyado nga armas luthang sa Barangay Tanque, Roxas City sang nagligad nga adlaw.
Gin-aresto sang mga nagresponde nga kapulisan ang suspek nga si Jovic Bones, alyas Toto sang Sitio Kalubihan sang amo man nga barangay, matapos nakabaton sang pagpanawag ang Roxas City PNP nagikan kay Punong Barangay Arthur Arcangeles nga may persona nga nagabitbti sang armas luthang.
Nakuha sang mga otoridad sa kamot ni Bones ang 12-gauge home-made shotgun. Nagapabilin naman sa karsel sang Roxas City PNP ang suspek matapos nga ginpaidalom sa inquest proceeding ang pagpasaka sang kaso batuk sa iya.
