General Santos City—Gidala dayon sa dr. Jorge Royeca Hospital ang usa ka 21 anyos nga mabdos nga itago lang sa pangalang si Alyas Grace residenti sa Lanton, Barangay Apopong Gensan kansa una nang misuway sa pagkutlo sa iyang kinabuhi pinaagi sa paglaslas sa iyang pulso gamit ang buak nga botelya.
Sa pakighinabi sa RMN Gensan News Team ngadto sa biktima iyang gibutyag nga usa sa mga rason nganong misuway siya ug pakamatay mao ang pagbiya sa iyang uyab ngadto kaniya luyo paman sa iyang lisod nga sitwasyon hilabi na nga siya manganakay na sa sunod bulan.
Usa usab sa rason ang pagsalikway matud pa kaniya sa iyang pamilya kung asa wala na matud pa siya gitagad human sa iyang gidangatan.
Nasayran nga nakaplagan nalang ang biktima nga nagbuy-od na didto sa iyang gipuy-an ug napuno ug kaugalingong likido human misuway ug hikog.
Sa karon nagpaalim nalang ang nasampit sa iyang samad nga naangkon sa balay tambalanan.
