Nangayo ug pasaylo sa kapolisan ang 21 anyos nga tinun-an sa usa kolehiyo dinhi sa Sugbu ingon man ang mga ginikanan niini human niangkon nga dili tinood nga siya gidagit ug lima ka mga lalaki .
Ang hepe sa Carbon Police Station nga si Police Chief Inspector Jacinto Mandal nibutyag nga kaganinang kadlawon sa pagsukit-sukit niini sa tinun-an niangkon kini nga hinimo-himo lang niya ang insidente tungod kay aduna siyay personal nga problema .
Matud ni Andal niangkon ang maong babaye nga nakagasto kini sa kwarta nga giintrigo ngadto kaniya hinungdan nga nakahuna -huna siya sa paghimo niini .
Una niini ang maong tinun-an nagpakitabang sa iyang pamilya kay giingong gidagit siya ug lima ka mga lalaki diin tulo niini mga langyaw ug duha ang pinoy ug gipugos siya sa pagsakay sa usa ka itom nga van .
