ILOILO City – Handa si Mayor Jose Espinosa III nga ibalik ang masobra sa P46 million nga pondo nga ginrelease sang syudad sadtong 2009 bilang Peformance Enhancement Incentive (PEI) bonus sa mga local officials kag regular employees sang syudad sang Iloilo.
Pahayag ni Espinosa siguraduhon anay niya kun bala final na ang desisyon sang Commission on Audit.
Ginsiling ni Espinosa nga ibalik man lang ang pondo kag kun magretire ang isa ka empliyado ibuhin lamang ini sa iya retirement benefits.
Suno kay Espinosa ginapatun-an na niya ang desisyon sang 3-man Commission on Audit panel kun ano nga remedy ang pwede mahimo sang syudad.
Pahayag sang alkalde mahimo niya ini dal-on sa korte suprema kun kinahanglanon.
Sa mando sang COA dapat irefund sang mga anay kag incumbent officials sang Iloilo city government ang masobra sa P46 million ngaila nabaton bilang Productivity Enhancement Incentives ukon PEI sadtong 2009.
Ginbasura sang Commission on Audit ukon COA ang petition for review nga ginfile ni anay mayor Jed Patrick Mabilog nga nagtiglawas sa rank and file employees of Iloilo city government nga nagbaton sang PEI.
Bangud sini gin-uphold sang commission ang findings ang COA Region 6 nga nagadis-allow sang kanditdan nga ginpaggwa sang syudad para sa PEI.
