Pagadian City – Prisohan ang gitugpahan sa 21 anyos nga lalaki human kining nadakpan sa drug buy-bust operation sa Purok Baterna, Barangay Lapedian, Pagadian City alas 8:00 kagabii.
Ang tropa sa Station Drug Enforcement Team (SDET) sa Pagadian City Police Station pinanguluhan ni PMAJ Edgar R Hinoctan sa Intelligence Section maong nihimo sa operasyon.
Nadakpan sa otoridad ang target nga si JESSIE LUGATIMAN CUPAT a.k.a “JESSIE’ 21-anyos, ulitawo, mag-uuma ug residente sa Purok Baterna, Barangay Lapedian, Pagadian City.
Nakuha sa posisyon sa dinakpan ang unom ka pakete sa gituohang “shabu” nga gibana-banang mokantidad sa Php3,000.00.
Narekober usab gikan kaniya ang walay sulod nga kaha sa sigarilyo ang kwarta nga 500.00 pesos
Detinado na karon sa Pagadian City Police Station lock-up cell ang dinakpan nga nag-atubang sa R.A 9165 also known as “Comprehensive Dangerous Drugs Act of 2002.
_Photo credit to the owner_
